Dariğa Nazarbaeva äkesine «qwrmetti senator» atağın berdi.

Senat törayımı Dariğa Nazarbaeva Qazaqsannıñ twñğış prezidenti Nwrswltan Nazarbaevtı «qwrmetti senator» tös belgisimen marapattap, arnayı kuälik berdi.

«Bügin Senat tarihında tağı bir mañızdı kün. Ötken Senat otırısında deputattar prezident Qasım-Jomart Toqaevtıñ elbası Nwrswltan Nazarbaevqa «qwrmetti senator» atağın beruge baylanıstı wsınısın bir auızdan qoldadı. Asa qadirmendi Nwrswltan Äbişwlı, sizge «qwrmetti senator» atağın beru, bwl sizdiñ memlekettiñ irge tasın qalauğa, bükil älem moyındağan strategiyalıq damu bağıtın anıqtauda etken eñbegiñizdiñ jemisi» - dedi Dariğa Nazarbaeva marapattau räsiminde söylegen sözinde.

Foto: tengrinews.kz

Esteriñizge salayıq, naurız ayınıñ 20-ı küni Qasım-Jomart Toqaev öziniñ inauguraciyasında aldağı uaqıtta Nwrswltan Nazarbaevtıñ sayasatın jalğastıratının aytıp, Astana qalasınıñ atauın Nwr-Swltan dep özgertu jöninde wsınıs jasağan. Keyinnen bwl wsınıstı parlament deputattarı bir auızdan maqwldap, elorda atauı bir künniñ işinde özgertilgen.

"The Qazaq Times"