فوتو: tengrinews.kz

داريعا نازارباەۆا اكەسىنە «قۇرمەتتى سەناتور» اتاعىن بەردى.

سەنات ءتورايىمى داريعا نازارباەۆا قازاقساننىڭ تۇڭعىش پرەزيدەنتى نۇرسۇلتان نازارباەۆتى «قۇرمەتتى سەناتور» ءتوس بەلگىسىمەن ماراپاتتاپ، ارنايى كۋالىك بەردى.

«بۇگىن سەنات تاريحىندا تاعى ءبىر ماڭىزدى كۇن. وتكەن سەنات وتىرىسىندا دەپۋتاتتار پرەزيدەنت قاسىم-جومارت توقاەۆتىڭ ەلباسى نۇرسۇلتان نازارباەۆقا «قۇرمەتتى سەناتور» اتاعىن بەرۋگە بايلانىستى ۇسىنىسىن ءبىر اۋىزدان قولدادى. اسا قادىرمەندى نۇرسۇلتان ءابىشۇلى، سىزگە «قۇرمەتتى سەناتور» اتاعىن بەرۋ، بۇل ءسىزدىڭ مەملەكەتتىڭ ىرگە تاسىن قالاۋعا، بۇكىل الەم مويىنداعان ستراتەگيالىق دامۋ باعىتىن انىقتاۋدا ەتكەن ەڭبەگىڭىزدىڭ جەمىسى» - دەدى داريعا نازارباەۆا ماراپاتتاۋ راسىمىندە سويلەگەن سوزىندە.

فوتو: tengrinews.kz

ەستەرىڭىزگە سالايىق، ناۋرىز ايىنىڭ 20-ى كۇنى قاسىم-جومارت توقاەۆ ءوزىنىڭ يناۋگۋراتسياسىندا الداعى ۋاقىتتا نۇرسۇلتان نازارباەۆتىڭ ساياساتىن جالعاستىراتىنىن ايتىپ، استانا قالاسىنىڭ اتاۋىن نۇر-سۇلتان دەپ وزگەرتۋ جونىندە ۇسىنىس جاساعان. كەيىننەن بۇل ۇسىنىستى پارلامەنت دەپۋتاتتارى ءبىر اۋىزدان ماقۇلداپ، ەلوردا اتاۋى ءبىر كۇننىڭ ىشىندە وزگەرتىلگەن.

"The Qazaq Times"