پارلامەنت ءماجىلىسىنىڭ جالپى وتىرىسىندا قر پرەمەر-ءمينيسترىنىڭ ءبىرىنشى ورىنباسارى، قارجى ءمينيسترى ءاليحان سمايىلوۆ مەملەكەت قارىزى تۋرالى مالىمدەدى.
ءا.سمايىلوۆ: «ەسەپتى تالقىلاۋ كەزىندە مەملەكەتتىك قارىزدىڭ وسۋىنە جانە كۆازيمەملەكەتتىك سۋبەكتىلەردىڭ بورىشىنا بارىنشا نازار اۋدارىلدى.ۇكىمەت الدىنداعى باستى مىندەت - ول مەملەكەتتىك قارىز كولەمىن قاۋىپسىز دەڭگەيدە ساقتاۋ. ول ءۇشىن، ءبىز بيۋدجەتتىڭ كۇتىلەتىن كىرىستەرىن جانە الەۋمەتتىك تولەمدەردىڭ ءوسۋىن ەسكەرە وتىرىپ، ون جىلدىق كەزەڭگە ىقتيمال قارىز جۇكتەمەسىن ەسەپتەيمىز»، قر ۇكىمەتىنىڭ 2018 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىن تانىستىرۋ كەزىندە. «مەملەكەتتىك قارىز ەسەپتى جىلدىڭ سوڭىندا تومەن دەڭگەيدە قالىپ وتىر. ونىڭ مولشەرى جالپى ىشكى ونىمگە شاققاندا 25,8%-دى قۇرادى»، – دەدى.
بۇدان بۇرىن حابارلانعانداي، وتكەن جىلى رەسپۋبليكالىق بيۋدجەت شىعىستارى 99,8%-عا ورىندالعان. رەسپۋبليكالىق بيۋدجەتتىڭ الەۋمەتتىك شىعىستارىنىڭ ۇلەسى 44% بولعان.
وسىعان دەيىن پرەمەر-ءمينيسترىنىڭ ءبىرىنشى ورىنباسارى «كىرىستەر 2,3 %-عا ارتىعىمەن ورىندالدى. بيۋدجەتكە 5,8 ترلن تەڭگە ءتۇستى. سالىقتار 2017 جىلمەن سالىستىرعاندا، 17,5%-عا ءوسىپ، 846 ملرد تەڭگە كولەمىندە بيۋدجەتكە قوسىمشا جينالعان. رەسپۋبليكالىق بيۋدجەتتىڭ الەۋمەتتىك شىعىستارىنىڭ ۇلەسى 44% بولعان»، – دەپ مالىمدەگەن بولاتىن. ال ۇلتتىق بانك مالىمەتىنشە، قازاقستاننىڭ سىرتقى قارىزى 158 ملرد 800 ملن اقش دوللارىنا جەتكەن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى