Prezident Qasım-Jomart Toqaev bügin keşki sağat 18:00-de «Habar» telearnasında bolatın prezidenttikke ümitkerler arasındağı teledebatqa qatıspaytın boldı. Bwl jöninde onıñ keñesşisi Erlan Qarin mälimdedi.

«Prezident basqa kandidattarda köp mümkindik boluı kerek dep esepteydi. Özge ümitkerler de öz wstanımdarın keñinen nasihattap, halıqqa tanılsa deydi. Ol ädil saylau ötkizuge uäde bergen. Bwl – onıñ negizgi wstanımı» - dedi Qarin.

Erlan Qarinniñ sözinşe, Toqaev saylau aldı ştabına teledebatqa bir ökil jiberudi tapsırğan. Biraq keñesşi debatqa ştab atınan ökilderdiñ naqtı baratının aytqan joq.

Teledebatqa Ämirjan Qosınov, Jambıl Ahmetbekov, Amangeldi Taspihov, Sädi-Bek Tügel jäne Töleutay Rahımbekov qatısadı. Al «Aq jol» partiyasınıñ kandidatı Däniya Espaevanıñ ornına partiya jetekşisi Azat Peruaşev qatısadı dep kütilude.

Qazaqstanda kezekten tıs prezident saylauı mausım ayınıñ 9-ı küni ötedi. Qazirgi uaqıtta kandidattar saylau aldı ügit-nasihat jwmıstarın jürgizude. Ol mausım ayınıñ 8-ine deyin jalğasadı. 8-şi mausım – tınıştıq küni. Bwl jolğı saylaudıñ bastı erekşeligi oğan Qazaqstandı 29 jıl üzdiksiz basqarğan Nwrswltan Nazarbaev qatıspaydı.

"The Qazaq Times"