Foto: https://kyzylorda-news.kz

Nwr-Swltan qalası Ädilet departamenti basşısınıñ orınbasarı 9 jılğa bas bostandığınan ayırıldı. Bwl turalı QR Memlekettik qızmet isteri jäne sıbaylas jemqorlıqqa qarsı is-qimıl agenttigi habarladı.

Vedomstvo taratqan habarlamada: «Nwr-Swltan qalasınıñ Esil audandıq sotınıñ ükimimen elordalıq Ädilet departamenti basşısınıñ orınbasarı R.Ramazanov «Astana qalalıq jarıq» JŞS şottarınan tıyım saludı alu üşin 22 mln teñge para aluğa oqtalğanı üşin kinäli dep tanılıp, 9 jıl bas bostandığınan ayıru jazası tağayındaldı», – delingen. Sonımen qatar, sot şeşimimen onıñ sıbaylastarı – Ädilet departamentiniñ Atqaru öndirisin qamtamasız etu basqarmasınıñ basşısı E.Däuletbaev jäne ağa sot orındauşısı – Ädilet departamentiniñ Almatı aumaqtıq böliminiñ basşısı G.Manapova – säykesinşe 9 jäne 5 jıl bas bostandığınan ayırıldı.

Ayta keteyik, bwdan bölek sıbaylas jemqorlıqqa qarsı is-qimıl wlttıq byurosımen QR Qılmıstıq-procestik kodeksiniñ 200-babı negizinde engizilgen wsınımğa säykes Ädilet ministrliginiñ jauaptı hatşısınıñ bwyrığımen departament basşısı M.Äbilov atqarıp otırğan lauazımınan bosatılğan.

"The Qazaq Times"