نۇر-سۇلتان قالاسى ادىلەت دەپارتامەنتى باسشىسىنىڭ ورىنباسارى 9 جىلعا باس بوستاندىعىنان ايىرىلدى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى حابارلادى.
ۆەدومستۆو تاراتقان حابارلامادا: «نۇر-سۇلتان قالاسىنىڭ ەسىل اۋداندىق سوتىنىڭ ۇكىمىمەن ەلوردالىق ادىلەت دەپارتامەنتى باسشىسىنىڭ ورىنباسارى ر.رامازانوۆ «استانا قالالىق جارىق» جشس شوتتارىنان تىيىم سالۋدى الۋ ءۇشىن 22 ملن تەڭگە پارا الۋعا وقتالعانى ءۇشىن كىنالى دەپ تانىلىپ، 9 جىل باس بوستاندىعىنان ايىرۋ جازاسى تاعايىندالدى»، – دەلىنگەن. سونىمەن قاتار، سوت شەشىمىمەن ونىڭ سىبايلاستارى – ادىلەت دەپارتامەنتىنىڭ اتقارۋ ءوندىرىسىن قامتاماسىز ەتۋ باسقارماسىنىڭ باسشىسى ە.داۋلەتباەۆ جانە اعا سوت ورىنداۋشىسى – ادىلەت دەپارتامەنتىنىڭ الماتى اۋماقتىق ءبولىمىنىڭ باسشىسى گ.ماناپوۆا – سايكەسىنشە 9 جانە 5 جىل باس بوستاندىعىنان ايىرىلدى.
ايتا كەتەيىك، بۇدان بولەك سىبايلاس جەمقورلىققا قارسى ءىس-قيمىل ۇلتتىق بيۋروسىمەن قر قىلمىستىق-پروتسەستىك كودەكسiنىڭ 200-بابى نەگىزىندە ەنگىزىلگەن ۇسىنىمعا سايكەس ادىلەت مينيسترلىگىنىڭ جاۋاپتى حاتشىسىنىڭ بۇيرىعىمەن دەپارتامەنت باسشىسى م.ءابىلوۆ اتقارىپ وتىرعان لاۋازىمىنان بوساتىلعان.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى