Foto: https://bureau.kz

Qazaqstanda policeylerdi oqıtu formatına özgerister engizildi. Bwl turalı QR İşki ister ministri Erlan Twrğımbaev mälimdedi.

Twrğımbaevtıñ aytuınşa, oqu jüyesinde täjiribelik sabaqtarğa basımdıq beriledi. Bwrın oficerlik qwram üşin 3 aylıq, serjanttıq qwram üşin 2 aylıq oqıtu jüyesi bolsa, jaña özgeristerge say krimninalister, tergeuşiler jäne jedel qızmetkerler üşin 6 aylıq, qalğandarı üşin 3 aylıq oqu kurstarı aşıladı. Sonımen qatar, «Aşıq esik künderi» nemese «döñgelek üstelder» ötkiziledi.

Ministr sözinde: «Halıq kadr dayarlau jüyesinde qanday özgerister boldı jäne ol policiya jwmısınıñ sapasına qalay äser etetinin bilui kerek. 20 mamırdan oqu jaña formatta jürgizile bastadı. Zamanaui interaktivtik ädister men oqıtu nısandarı keñinen paydalanılatın boladı. Bwl tıñdauşılarğa qısqa merzim işinde kölemdi aqparattı igeruine mümkindik beredi», – dep mälimdedi.

Ayta keteyik, policeylerdi dayındau Almatı, Qarağandı jäne Qostanay akademiyaları, Aqtöbe zañ institutı men Şımkent oqu ortalığında jürgiziledi. Jaña özgeristerden keyin 6 oqu ortalığı qısqartılğan.

"The Qazaq Times"