قازاقستاندا پوليتسەيلەردى وقىتۋ فورماتىنا وزگەرىستەر ەنگىزىلدى. بۇل تۋرالى قر ىشكى ىستەر ءمينيسترى ەرلان تۇرعىمباەۆ مالىمدەدى.
تۇرعىمباەۆتىڭ ايتۋىنشا، وقۋ جۇيەسىندە تاجىريبەلىك ساباقتارعا باسىمدىق بەرىلەدى. بۇرىن وفيتسەرلىك قۇرام ءۇشىن 3 ايلىق، سەرجانتتىق قۇرام ءۇشىن 2 ايلىق وقىتۋ جۇيەسى بولسا، جاڭا وزگەرىستەرگە ساي كريمنيناليستەر، تەرگەۋشىلەر جانە جەدەل قىزمەتكەرلەر ءۇشىن 6 ايلىق، قالعاندارى ءۇشىن 3 ايلىق وقۋ كۋرستارى اشىلادى. سونىمەن قاتار، «اشىق ەسىك كۇندەرى» نەمەسە «دوڭگەلەك ۇستەلدەر» وتكىزىلەدى.
مينيستر سوزىندە: «حالىق كادر دايارلاۋ جۇيەسىندە قانداي وزگەرىستەر بولدى جانە ول پوليتسيا جۇمىسىنىڭ ساپاسىنا قالاي اسەر ەتەتىنىن ءبىلۋى كەرەك. 20 مامىردان وقۋ جاڭا فورماتتا جۇرگىزىلە باستادى. زاماناۋي ينتەراكتيۆتىك ادىستەر مەن وقىتۋ نىساندارى كەڭىنەن پايدالانىلاتىن بولادى. بۇل تىڭداۋشىلارعا قىسقا مەرزىم ىشىندە كولەمدى اقپاراتتى يگەرۋىنە مۇمكىندىك بەرەدى»، – دەپ مالىمدەدى.
ايتا كەتەيىك، پوليتسەيلەردى دايىنداۋ الماتى، قاراعاندى جانە قوستاناي اكادەميالارى، اقتوبە زاڭ ينستيتۋتى مەن شىمكەنت وقۋ ورتالىعىندا جۇرگىزىلەدى. جاڭا وزگەرىستەردەن كەيىن 6 وقۋ ورتالىعى قىسقارتىلعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟