Amerikalıqtardıñ jartısı AQŞ pen Iran qaqtığısı soğısqa wlasadı degen oyda.

Ipsos kompaniyasınıñ saualnamasına qatısqan azamattardıñ 51%-ı osınday boljam jasağan. Pikir bildirgenderdiñ 60%-ı soğıstı birinşi bolıp Iran bastaydı deydi. Sonımen qatar, 70% twrğın Iran birinşi bolıp soqqı jasağan jağdayda, AQŞ esesin qaytarıp, soqqı jasauğa tiisti ekendigin aytqan. Al 39%-ı AQŞ Iranğa qarsı auqımdı soğıs operaciyasın jüzege asıruı tiis dese, jalpı qatısuşılardıñ 53%-ı Tehran biligin AQŞ-qa qauip töndiruşi küş dep esepteydi.

Soñğı uaqıtta Uaşington men Tehran baylanısı uşığa tüsti. Mamırda Tramp Aq üyde resmi mälimdeme jasap: «Iran terrorizmdi demeuşi memleket. Bwl üşin öz halqınıñ äleuetin paydalanıp otır. Iran rejimi «Hizbulla», «Hammas», «Taliban», «äl-Kaida» wyımdarınıñ qoldauşısı», – degen. Al Iran yadrolıq kelisimi turalı sözinde: «Bwl kelisim adamdı wyaltatın birjaqtı kelisim. Eger men bwl yadrolıq kelisimge rwqsat bersem, Tayau Şığıs qarulanadı. Bwl kelisim Irannıñ öñirdegi ambiciyasın toqtata almaydı, Irannıñ yadrolıq qaruın bwl şirigen kelisimmen joğalta almaymız», – dep jauap qaytardı.

Tramp osı ayıptaulardan keyin asa mañızdı şeşimin jariya etip, yadrolıq kelisiminen bas tartatının jäne Iranğa bağıttalğan sankciyalardıñ qayta iske qosılatının mälimdegen. Ekeuara dialog dauğa wlasqan twsta, Iran tarapı yadrolıq kelisimdegi birqatar talaptardı orındaudan bas tarttı. Äsirese, uran bayıtuğa qatıstı mindettemelerdi orındauğa tiis emestigin alğa tarttı. YAğni AQŞ  yadrolıq kelisimnen şığıp, sankciyalardı küşeytetin bolğandıqtan osınday qadamğa baratının jetkizdi. Bwl rette resmi Tehran yadrolıq kelisim dauına qatıstı Germaniya, Franciya, Wlıbritaniya, Qıtay jäne Reseyge mäseleni retteu üşin 60 kün uaqıt berip otır.

"The Qazaq Times"