Foto: https://www.qamshy.kz

Qazaqstandağı joğarı oqu orındarı janınan jazğı akademiyalıq mektepter aşıladı. Bwl turalı Bilim jäne ğılım ministri Küläş Şämşidinova habarladı.

Ükimet otırısında söz söylegen K.Şämşidinova: «Djon Hopkins universitetinde jılına 10 mıñnan astam joğarı sınıp oquşıları jazğı demalıstarın ötkizedi. Jüzdegen taqırıptardı zerdelep,  zertteu jwmıstarımen aynalısadı. Osı lager'den ötken jastardıñ işinen 37 Nobel' laureatı şıqqan. Soñğı jıldarı elimizdegi Nazarbaev Universiteti, QBTU, AlmaU  da jazğı mektepter wyımdastırıp jür. Biıl respublikadağı basqa da joğarı oqu orındarı janınan jazğı akademiyalıq mektepterdi aşu balalardı demalıspen qamtumen qatar, olardıñ biliktilik deñgeyin joğarılatar edi»,– dep mälimdedi.

Sonımen qatar, prem'er-ministr Asqar Mamin: «Balalardıñ demalısın wyımdastıru - mañızdı mäsele. Qarağandı, Almatı, Pavlodar oblıstarında balalardıñ demalısı joğarı deñgeyde josparlanğan. Atalğan jwmısqa tiisti deñgeyde köñil bölmegen öñirler de bar. Atırau jäne Türkistan oblıstarında osı bağıtta naqtı şaralardı wyımdastıru tiis. Äkimdikter men mecenattardı bwl şarağa belsene atsalısuğa şaqıru qajet», – dep, bilim salasına qatıstı jaña jol kartasın äzirleudi tapsırdı.

Aldağı uaqıtta tiisti jol kartası äzirlengennen keyin, akademiyalıq mektepter jobası tanıstırılmaq.

"The Qazaq Times"