فوتو: https://www.qamshy.kz

قازاقستانداعى جوعارى وقۋ ورىندارى جانىنان جازعى اكادەميالىق مەكتەپتەر اشىلادى. بۇل تۋرالى ءبىلىم جانە عىلىم ءمينيسترى كۇلاش ءشامشيدينوۆا حابارلادى.

ۇكىمەت وتىرىسىندا ءسوز سويلەگەن ك.ءشامشيدينوۆا: «دجون حوپكينس ۋنيۆەرسيتەتىندە جىلىنا 10 مىڭنان استام جوعارى سىنىپ وقۋشىلارى جازعى دەمالىستارىن وتكىزەدى. جۇزدەگەن تاقىرىپتاردى زەردەلەپ،  زەرتتەۋ جۇمىستارىمەن اينالىسادى. وسى لاگەردەن وتكەن جاستاردىڭ ىشىنەن 37 نوبەل لاۋرەاتى شىققان. سوڭعى جىلدارى ەلىمىزدەگى نازارباەۆ ۋنيۆەرسيتەتى، قبتۋ، AlmaU  دا جازعى مەكتەپتەر ۇيىمداستىرىپ ءجۇر. بيىل رەسپۋبليكاداعى باسقا دا جوعارى وقۋ ورىندارى جانىنان جازعى اكادەميالىق مەكتەپتەردى اشۋ بالالاردى دەمالىسپەن قامتۋمەن قاتار، ولاردىڭ بىلىكتىلىك دەڭگەيىن جوعارىلاتار ەدى»،– دەپ مالىمدەدى.

سونىمەن قاتار، پرەمەر-مينيستر اسقار مامين: «بالالاردىڭ دەمالىسىن ۇيىمداستىرۋ - ماڭىزدى ماسەلە. قاراعاندى، الماتى، پاۆلودار وبلىستارىندا بالالاردىڭ دەمالىسى جوعارى دەڭگەيدە جوسپارلانعان. اتالعان جۇمىسقا ءتيىستى دەڭگەيدە كوڭىل بولمەگەن وڭىرلەر دە بار. اتىراۋ جانە تۇركىستان وبلىستارىندا وسى باعىتتا ناقتى شارالاردى ۇيىمداستىرۋ ءتيىس. اكىمدىكتەر مەن مەتسەناتتاردى بۇل شاراعا بەلسەنە اتسالىسۋعا شاقىرۋ قاجەت»، – دەپ، ءبىلىم سالاسىنا قاتىستى جاڭا جول كارتاسىن ازىرلەۋدى تاپسىردى.

الداعى ۋاقىتتا ءتيىستى جول كارتاسى ازىرلەنگەننەن كەيىن، اكادەميالىق مەكتەپتەر جوباسى تانىستىرىلماق.

"The Qazaq Times"