Qazaqstannan sırtqa qonıs audarğandar sanı artqan

Biıl qañtar-naurız aralığında 8 mıñnan astam adam basqa memleketke qonıs audarğan.

LS portalınıñ habarlauınşa, bwl bıltırğı körsetkişten 22%-ğa joğarı. Qazaqstandıqtardıñ basım böligi Resey, Germaniya, Özbekstan, Qıtay jäne AQŞ-qa ketken. Resmi mälimetterge say, üş ay işinde barlığı elu bes adam Amerikağa köşken. Al Qazaqstanğa üş ayda 3 mıñnan astam adam kelgen. Olardıñ bir jarım mıñı Özbekstan men Reseyden. Sonımen qatar, Türkimenstan, Qıtay, Qırğızstan, Monğoliyadan qonıs audarğandar da bar. Immigranttardıñ 500-ge juığınıñ bilimi joğarı bolsa, Qazaqstannan ketkenderdiñ 2,5 mıñğa juığınıñ bilimi joğarı.

Ayta keteyik, 2015 jılı Qazaqstannan ketken migranttar sanı 30 mıñnan assa, 2014 jılı 28 mıñ adam bolğan. Olardıñ deni – Germaniya, AQŞ, Reseyge qonıs tepken. Al 2016 jılı 34 965 adam şetel asıp ketken. 2018 jıldıñ basınan beri 7000-ğa juıq otandasımız özge eldiñ twrğınına aynalğan jäne basım köpşiligi jas otbasılar.

"The Qazaq Times"