قازاقستاننان سىرتقا قونىس اۋدارعاندار سانى ارتقان

بيىل قاڭتار-ناۋرىز ارالىعىندا 8 مىڭنان استام ادام باسقا مەملەكەتكە قونىس اۋدارعان.

LS پورتالىنىڭ حابارلاۋىنشا، بۇل بىلتىرعى كورسەتكىشتەن 22%-عا جوعارى. قازاقستاندىقتاردىڭ باسىم بولىگى رەسەي، گەرمانيا، وزبەكستان، قىتاي جانە اقش-قا كەتكەن. رەسمي مالىمەتتەرگە ساي، ءۇش اي ىشىندە بارلىعى ەلۋ بەس ادام امەريكاعا كوشكەن. ال قازاقستانعا ءۇش ايدا 3 مىڭنان استام ادام كەلگەن. ولاردىڭ ءبىر جارىم مىڭى وزبەكستان مەن رەسەيدەن. سونىمەن قاتار، تۇركىمەنستان، قىتاي، قىرعىزستان، مونعوليادان قونىس اۋدارعاندار دا بار. يمميگرانتتاردىڭ 500-گە جۋىعىنىڭ ءبىلىمى جوعارى بولسا، قازاقستاننان كەتكەندەردىڭ 2,5 مىڭعا جۋىعىنىڭ ءبىلىمى جوعارى.

ايتا كەتەيىك، 2015 جىلى قازاقستاننان كەتكەن ميگرانتتار سانى 30 مىڭنان اسسا، 2014 جىلى 28 مىڭ ادام بولعان. ولاردىڭ دەنى – گەرمانيا، اقش، رەسەيگە قونىس تەپكەن. ال 2016 جىلى 34 965 ادام شەتەل اسىپ كەتكەن. 2018 جىلدىڭ باسىنان بەرى 7000-عا جۋىق وتانداسىمىز وزگە ەلدىڭ تۇرعىنىنا اينالعان جانە باسىم كوپشىلىگى جاس وتباسىلار.

"The Qazaq Times"