Qazaqstan qwnı 9 mlrd AQŞ dolları bolatın kelisimge qol qoydı

Qazaqstan men özge de şet memleketteri «Kazakhstan Global Investment Roundtable» ayasında qwnı 9 mlrd AQŞ dolları bolatın kelisimderge qol qoydı. Bwl turalı QR SİM habarladı.

KGIR-2019 basqosuında 45 kommerciyalıq kelisimderge qol qoyılğan. Memorandumdarğa säykes, türkiyalıq «Yildirim Holding» kompaniyası Jambıl oblısında kal'ciy qosılğan soda zauıtın, al reseylik kompaniya Türkistanda 500 gektarlıq jılıjay qwrılısın jürgizbek. Gaz-himiya salasında Mañğıstau oblısınıñ äkimdigi men Singapurdıñ «Westgasoil» kompaniyası metanol jäne olefinderdi öndiru jobasın jüzege asıru boyınşa ıntımaqtastıq turalı kelisimdi bekitken. Himiya salasınan bölek, bilim beru salasında Nwr-Swltan, Almatı jäne Şımkent qalalarında singapurlıq investor (Kinder World) «Bilim metropolisin salu: mektep, kolledj, universitet» jobasınıñ jol kartasına qabıldandı. Jaqın arada Nwr-Swltanda halıqaralıq bilim beru keşenderi salınbaq. Bwdan bölek, derekter ortalıqtarınıñ qwrılısı jäne Qazaqstanda 5G jobasın iske asıru sekildi jobalar boyınşa kelisimderge qol qoyıldı.

«Kazakhstan Global Investment Roundtable» basqosuına 1100-den astam älemdik jäne qazaqstandıq kompaniyalardıñ basşıları, halıqaralıq sarapşılar men memlekettik wyımdardıñ ökilderi qatıstı. Qatarında 600-den astam 41 elden kelgen qonaqtar, sonday-aq «Cisco», «Nokia», «CITIC Bank Corporation», «WILO SE Group», «AGCO Corporation», «Valmont Industries», «Tyson Foods», «Yildirim Group» jäne tağı basqa iri kompaniya menedjerleri bar.

Ayta keteyik, täuelsizdik jıldarında Qazaqstan ekonomikasına 300 mlrd AQŞ dollarınan astam investiciyalar qwyılğan. Bölingen qarjı bilim, medicina, auılşaruaşılıq salaların damıtu maqsatında jwmsaluı tiis.

"The Qazaq Times"