فوتو: http://www.kp.kz

قازاقستان مەن وزگە دە شەت مەملەكەتتەرى «Kazakhstan Global Investment Roundtable» اياسىندا قۇنى 9 ملرد اقش دوللارى بولاتىن كەلىسىمدەرگە قول قويدى. بۇل تۋرالى قر ءسىم حابارلادى.

KGIR-2019 باسقوسۋىندا 45 كوممەرتسيالىق كەلىسىمدەرگە قول قويىلعان. مەموراندۋمدارعا سايكەس، تۇركيالىق «Yildirim Holding» كومپانياسى جامبىل وبلىسىندا كالتسي قوسىلعان سودا زاۋىتىن، ال رەسەيلىك كومپانيا تۇركىستاندا 500 گەكتارلىق جىلىجاي قۇرىلىسىن جۇرگىزبەك. گاز-حيميا سالاسىندا ماڭعىستاۋ وبلىسىنىڭ اكىمدىگى مەن سينگاپۋردىڭ «Westgasoil» كومپانياسى مەتانول جانە ولەفيندەردى ءوندىرۋ جوباسىن جۇزەگە اسىرۋ بويىنشا ىنتىماقتاستىق تۋرالى كەلىسىمدى بەكىتكەن. حيميا سالاسىنان بولەك، ءبىلىم بەرۋ سالاسىندا نۇر-سۇلتان، الماتى جانە شىمكەنت قالالارىندا سينگاپۋرلىق ينۆەستور (Kinder World) «ءبىلىم مەتروپوليسىن سالۋ: مەكتەپ، كوللەدج، ۋنيۆەرسيتەت» جوباسىنىڭ جول كارتاسىنا قابىلداندى. جاقىن ارادا نۇر-سۇلتاندا حالىقارالىق ءبىلىم بەرۋ كەشەندەرى سالىنباق. بۇدان بولەك، دەرەكتەر ورتالىقتارىنىڭ قۇرىلىسى جانە قازاقستاندا 5G جوباسىن ىسكە اسىرۋ سەكىلدى جوبالار بويىنشا كەلىسىمدەرگە قول قويىلدى.

«Kazakhstan Global Investment Roundtable» باسقوسۋىنا 1100-دەن استام الەمدىك جانە قازاقستاندىق كومپانيالاردىڭ باسشىلارى، حالىقارالىق ساراپشىلار مەن مەملەكەتتىك ۇيىمداردىڭ وكىلدەرى قاتىستى. قاتارىندا 600-دەن استام 41 ەلدەن كەلگەن قوناقتار، سونداي-اق «Cisco»، «Nokia»، «CITIC Bank Corporation»، «WILO SE Group»، «AGCO Corporation»، «Valmont Industries»، «Tyson Foods»، «Yildirim Group» جانە تاعى باسقا ءىرى كومپانيا مەنەدجەرلەرى بار.

ايتا كەتەيىك، تاۋەلسىزدىك جىلدارىندا قازاقستان ەكونوميكاسىنا 300 ملرد اقش دوللارىنان استام ينۆەستيتسيالار قۇيىلعان. بولىنگەن قارجى ءبىلىم، مەديتسينا، اۋىلشارۋاشىلىق سالالارىن دامىتۋ ماقساتىندا جۇمسالۋى ءتيىس.

"The Qazaq Times"