whatsapp bağdarlaması arqılı hakerlik şabuıl jasalğan. Foto: blogspot.com

Hakerler WhatsApp bağdarlamasınıñ kemşilikterinen paydalanıp, smartfondarğa tıñşılıq bağdarlamalar ornatqan. Bwl mälimetti WhatsApp bağdarlamasına ielik etetin «Facebook» te rastadı. Atalğan jeli bağdarlamasındağı kemşilikti kompaniya 10 kün bwrın bayqap, qauipsizdik qızmetkerlerine habar bergen.

Tekseruge qarağanda, hakerler WhatsApp qoldanuşılarğa "belgisiz" qoñıraular şaladı, smartfon iesi qoñıraudı kötergen kezden-aq onı telefonına birqatar programmalar jazılıp ülgiredi. Bwl programmalar arqılı hakerler smartfonnıñ kamerasın jäne mikrofonın, özge de bağdarlamaların meñgerip aladı.

Financial Times basılımınıñ bwl turalı habarında, hakerlik şabuılğa wşırağan qoldanuşılar keyde qoñırau qabıldağanın da bilmey qaluı da mümkin. Atalğan basılım, tıñşılıq programmasın Izrail'diñ NSO attı kompaniyası jasağanın aytqan. Bwl tıñşılıq bağdarlama, jekelerdiñ wyalı-telefondarındağı hat almasu, habarlasu, elektrondı poşta, jürip-twru jäne kamerasın öşiru-qosu äreketteriniñ bärin baqılauğa ala aladı.

Izrail'diñ kompaniya bwl bağdarlamalardı memlekettik tapsırıs boyınşa jasap şığarğanın, ol wyımdasqan qılmıstıq toptar men terrorizmge qarsı küreske paydalanılatının alğa tartqan. Sonday-aq, kompaniya onıñ dwrıs emes bağıtta qoldanılıp jatqanı turalı tekserip anıqtap, aldağı uaqıtta satıluın toqtatuı mümkin ekenderin mälimdedi.

WhatsApp kompaniyası qoldanuşılarına wyalı telefondarındağı atalğan bağdarlamanı qaytalay jañartudı ötiniş etti. Sonımen qatar, kompaniya qanşa qoldanuşınıñ şabuılğa wşırağanı turalı tekserudi bastap ketken.

Degenmen, hakerlik şabuıl jalpı qoldanuşılarğa emes, tek közdeuli jeke twlğalarğa bağıttalğan degen de mälimetter bar.

“The Qazaq Times”