whatsapp باعدارلاماسى ارقىلى حاكەرلىك شابۋىل جاسالعان. فوتو: blogspot.com

حاكەرلەر WhatsApp باعدارلاماسىنىڭ كەمشىلىكتەرىنەن پايدالانىپ، سمارتفوندارعا تىڭشىلىق باعدارلامالار ورناتقان. بۇل مالىمەتتى WhatsApp باعدارلاماسىنا يەلىك ەتەتىن «Facebook» تە راستادى. اتالعان جەلى باعدارلاماسىنداعى كەمشىلىكتى كومپانيا 10 كۇن بۇرىن بايقاپ، قاۋىپسىزدىك قىزمەتكەرلەرىنە حابار بەرگەن.

تەكسەرۋگە قاراعاندا، حاكەرلەر WhatsApp قولدانۋشىلارعا "بەلگىسىز" قوڭىراۋلار شالادى، سمارتفون يەسى قوڭىراۋدى كوتەرگەن كەزدەن-اق ونى تەلەفونىنا بىرقاتار پروگراممالار جازىلىپ ۇلگىرەدى. بۇل پروگراممالار ارقىلى حاكەرلەر سمارتفوننىڭ كامەراسىن جانە ميكروفونىن، وزگە دە باعدارلامالارىن مەڭگەرىپ الادى.

Financial Times باسىلىمىنىڭ بۇل تۋرالى حابارىندا، حاكەرلىك شابۋىلعا ۇشىراعان قولدانۋشىلار كەيدە قوڭىراۋ قابىلداعانىن دا بىلمەي قالۋى دا مۇمكىن. اتالعان باسىلىم، تىڭشىلىق پروگرامماسىن ءيزرايلدىڭ NSO اتتى كومپانياسى جاساعانىن ايتقان. بۇل تىڭشىلىق باعدارلاما، جەكەلەردىڭ ۇيالى-تەلەفوندارىنداعى حات الماسۋ، حابارلاسۋ، ەلەكتروندى پوشتا، ءجۇرىپ-تۇرۋ جانە كامەراسىن ءوشىرۋ-قوسۋ ارەكەتتەرىنىڭ ءبارىن باقىلاۋعا الا الادى.

ءيزرايلدىڭ كومپانيا بۇل باعدارلامالاردى مەملەكەتتىك تاپسىرىس بويىنشا جاساپ شىعارعانىن، ول ۇيىمداسقان قىلمىستىق توپتار مەن تەرروريزمگە قارسى كۇرەسكە پايدالانىلاتىنىن العا تارتقان. سونداي-اق، كومپانيا ونىڭ دۇرىس ەمەس باعىتتا قولدانىلىپ جاتقانى تۋرالى تەكسەرىپ انىقتاپ، الداعى ۋاقىتتا ساتىلۋىن توقتاتۋى مۇمكىن ەكەندەرىن مالىمدەدى.

WhatsApp كومپانياسى قولدانۋشىلارىنا ۇيالى تەلەفوندارىنداعى اتالعان باعدارلامانى قايتالاي جاڭارتۋدى ءوتىنىش ەتتى. سونىمەن قاتار، كومپانيا قانشا قولدانۋشىنىڭ شابۋىلعا ۇشىراعانى تۋرالى تەكسەرۋدى باستاپ كەتكەن.

دەگەنمەن، حاكەرلىك شابۋىل جالپى قولدانۋشىلارعا ەمەس، تەك كوزدەۋلى جەكە تۇلعالارعا باعىتتالعان دەگەن دە مالىمەتتەر بار.

“The Qazaq Times”