Foto: https://kursiv.kz

QR Aqparat jäne qoğamdıq damu ministri Däuren Abaev 9 mamırda Qazaqstan boyınşa ğalamtordıñ bwğattaluına qatıstı pikir bildirdi.

Abaev sözinde: «Aqparat jäne qoğamdıq damu ministrligi baylanısqa jauap bermeydi. Men qazir bwğan baylanıstı eşteñe ayta almaymın. Biraq deystvitel'no, provayderler aytqanday, tehnikalıq aqaulıqtar boldı. Ğalamtordıñ ne sebepti bwğattaluın provayderlerden swrap, naqtı jauap alğan jön. 9 mamırda bayqalğan «Internetke dostup» probleması 9 mausımda da qaytalanadı dep oylamaymın, provayderler oğan deyin öz tehnikaların jönge keltiredi dep oylaymın», – dep jauap qattı.

9 mamırda Qazaqstan boyınşa ğalamtorğa kiru qiındap, toğız sayttıñ jwmısı uaqıtşa toqtatılğan bolatın. Osığan qatıstı «Şekarasız tilşiler» halıqaralıq jurnalister qwqığın qorğau wyımı Qazaqstandağı internettiñ bwğattaluın, internet cenzuranı sınğa aldı. Atalğan wyımnıñ Europa jäne Ortalıq Aziya boyınşa böliminiñ jetekşisi Djohan Bir «jergilikti halıqtıñ aqparat alu qwqığın bwzu faktisine eş aqtau joq» – dep mälimdegen.

Ayta keteyik, jeli qoldanuşıları soñğı jıldarı ğalamtordıñ jii bwğattaluına qatıstı şağımdanıp keledi. Bilik ökilderi atalğan mäselege qatıstı pikirin «ğalamtordağı aqaulıqqa biliktiñ eş qatısı joq, bwl provayder tarapınan şeşilui tiis» – dep qısqa qayıradı.

"The Qazaq Times"