Foto: cloudfront.net

Qazaqstan qwraması Bişkek qalasında ötken ağılşın tilindegi sözderdi emlesine qaray aytudan üşinşi Ortalıq Aziya Spelling Bee sayısında jeñiske jetti.

Osımen üşinşi jıl qatarınan qazaqstandıq sayısker jeñimpaz atandı. Biıl Aleksandr Lopuhov ağılşın tilindegi scintillating sözin  dwrıs aytıp, Qazaqstan, Qırğızstan, Özbekstan jäne Täjikstan qalalarınan 16 sayıskerlerdi ozıp şıqtı.

Amerikalıq mädeniettiñ bir böligi sanalatın Spelling Bee sayısına jıl sayın qızığuşılıq tanıtqan qatısuşılar sanı artqan. Atalğan sayıs Amerikada 90 jıldan astam uaqıt boyı mektep oquşıları arasında ötkizilip keledi. Sayısqa qatısuşılardıñ mindeti – sahnada twrıp, jürgizuşi aytqan sözdi emle erejelerine say dwrıs aytu. Ağılşın tilindegi köptegen sözderdiñ aytıluı men jazıluındağı ayırmaşılıq zor bolğandıqtan, qatısuşılar üşin qiındıq tuğızadı.

Ayta keteyik, Qazaqstan, Qırğızstan, Täjikstan jäne Özbekstan elderindegi AQŞ elşiligi Spelling Bee sayısın üşinşi jıl wyımdastırıp otır. 2018 jılı Spelling Bee Ortaaziyalıq sayısı Almatıdağı American Space şığarmaşılıq alañında ötti. Al 2017 jılğı sayıs Täjikstannıñ Dunşanbe qalasında ötkizilgen.

"The Qazaq Times"