قازاقستان قۇراماسى بىشكەك قالاسىندا وتكەن اعىلشىن تىلىندەگى سوزدەردى ەملەسىنە قاراي ايتۋدان ءۇشىنشى ورتالىق ازيا Spelling Bee سايىسىندا جەڭىسكە جەتتى.
وسىمەن ءۇشىنشى جىل قاتارىنان قازاقستاندىق سايىسكەر جەڭىمپاز اتاندى. بيىل الەكساندر لوپۋحوۆ اعىلشىن تىلىندەگى scintillating سوزىن دۇرىس ايتىپ، قازاقستان، قىرعىزستان، وزبەكستان جانە تاجىكستان قالالارىنان 16 سايىسكەرلەردى وزىپ شىقتى.
امەريكالىق مادەنيەتتىڭ ءبىر بولىگى سانالاتىن Spelling Bee سايىسىنا جىل سايىن قىزىعۋشىلىق تانىتقان قاتىسۋشىلار سانى ارتقان. اتالعان سايىس امەريكادا 90 جىلدان استام ۋاقىت بويى مەكتەپ وقۋشىلارى اراسىندا وتكىزىلىپ كەلەدى. سايىسقا قاتىسۋشىلاردىڭ مىندەتى – ساحنادا تۇرىپ، جۇرگىزۋشى ايتقان ءسوزدى ەملە ەرەجەلەرىنە ساي دۇرىس ايتۋ. اعىلشىن تىلىندەگى كوپتەگەن سوزدەردىڭ ايتىلۋى مەن جازىلۋىنداعى ايىرماشىلىق زور بولعاندىقتان، قاتىسۋشىلار ءۇشىن قيىندىق تۋعىزادى.
ايتا كەتەيىك، قازاقستان، قىرعىزستان، تاجىكستان جانە وزبەكستان ەلدەرىندەگى اقش ەلشىلىگى Spelling Bee سايىسىن ءۇشىنشى جىل ۇيىمداستىرىپ وتىر. 2018 جىلى Spelling Bee ورتاازيالىق سايىسى الماتىداعى American Space شىعارماشىلىق الاڭىندا ءوتتى. ال 2017 جىلعى سايىس تاجىكستاننىڭ دۋنشانبە قالاسىندا وتكىزىلگەن.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى