Фото: cloudfront.net

Қазақстан құрамасы Бішкек қаласында өткен ағылшын тіліндегі сөздерді емлесіне қарай айтудан үшінші Орталық Азия Spelling Bee сайысында жеңіске жетті.

Осымен үшінші жыл қатарынан қазақстандық сайыскер жеңімпаз атанды. Биыл Александр Лопухов ағылшын тіліндегі scintillating сөзін  дұрыс айтып, Қазақстан, Қырғызстан, Өзбекстан және Тәжікстан қалаларынан 16 сайыскерлерді озып шықты.

Америкалық мәдениеттің бір бөлігі саналатын Spelling Bee сайысына жыл сайын қызығушылық танытқан қатысушылар саны артқан. Аталған сайыс Америкада 90 жылдан астам уақыт бойы мектеп оқушылары арасында өткізіліп келеді. Сайысқа қатысушылардың міндеті – сахнада тұрып, жүргізуші айтқан сөзді емле ережелеріне сай дұрыс айту. Ағылшын тіліндегі көптеген сөздердің айтылуы мен жазылуындағы айырмашылық зор болғандықтан, қатысушылар үшін қиындық туғызады.

Айта кетейік, Қазақстан, Қырғызстан, Тәжікстан және Өзбекстан елдеріндегі АҚШ елшілігі Spelling Bee сайысын үшінші жыл ұйымдастырып отыр. 2018 жылы Spelling Bee Ортаазиялық сайысы Алматыдағы American Space шығармашылық алаңында өтті. Ал 2017 жылғы сайыс Тәжікстанның Дуншанбе қаласында өткізілген.

"The Qazaq Times"