Foto: http://www.mfa.kz

Mäskeude Qazaqstan pem'er-ministri Asqar Mamin jäne Resey ükimetiniñ törağası Dmitriy Medvedev kezdesti.

Kezdesu barısında qos tarap sauda-ekonomikalıq, kölik tasımalı, energetika men ğarış salalarında ıntımaqtastıqtı talqılap, birneşe kelisimderge qol qoydı. Nätjesinde, Qazaqstan aumağında KAMAZ avtotehnikası men qosalqı bölşekteriniñ öndirisi qolğa alınatın boldı. Sonımen qatar qazaqstandıq «Agromaşholding» kompaniyasınıñ zauıttarında «Kirovec» traktorların şığaru boyınşa Jol kartası äzirlendi.

D.Medvedev: «Büginde Qazaqstan aldında twrğan mindetterdi jüzege asıruda, Euraziyalıq ekonomikalıq odaq ayasında twrğan maqsattarımızğa jetu jolında sizge tabıs tileymin. Osığan deyin de odaq şeñberinde ekijaqtı keñesuler barısında sizben ünemi baylanısta boldıq. Endi odan da jii kezdesip twramız», – dep mälimdedi.

Ayta keteyik, 2018 jılı Qazaqstan men Resey arasındağı sauda kölemi 4,5%-ğa ösip, 18 milliard dollardan astı. Al qazaqstandıq eksporttıñ mölşeri  6%-ğa artqan.

"The Qazaq Times"