Мәскеуде Қазақстан пемьер-министрі Асқар Мамин және Ресей үкіметінің төрағасы Дмитрий Медведев кездесті.

Кездесу барысында қос тарап сауда-экономикалық, көлік тасымалы, энергетика мен ғарыш салаларында ынтымақтастықты талқылап, бірнеше келісімдерге қол қойды. Нәтжесінде, Қазақстан аумағында КАМАЗ автотехникасы мен қосалқы бөлшектерінің өндірісі қолға алынатын болды. Сонымен қатар қазақстандық «Агромашхолдинг» компаниясының зауыттарында «Кировец» тракторларын шығару бойынша Жол картасы әзірленді.

Д.Медведев: «Бүгінде Қазақстан алдында тұрған міндеттерді жүзеге асыруда, Еуразиялық экономикалық одақ аясында тұрған мақсаттарымызға жету жолында сізге табыс тілеймін. Осыған дейін де одақ шеңберінде екіжақты кеңесулер барысында сізбен үнемі байланыста болдық. Енді одан да жиі кездесіп тұрамыз», – деп мәлімдеді.

Айта кетейік, 2018 жылы Қазақстан мен Ресей арасындағы сауда көлемі 4,5%-ға өсіп, 18 миллиард доллардан асты. Ал қазақстандық экспорттың мөлшері  6%-ға артқан.

"The Qazaq Times"