فوتو: http://www.mfa.kz

ماسكەۋدە قازاقستان پەمەر-ءمينيسترى اسقار مامين جانە رەسەي ۇكىمەتىنىڭ توراعاسى دميتري مەدۆەدەۆ كەزدەستى.

كەزدەسۋ بارىسىندا قوس تاراپ ساۋدا-ەكونوميكالىق، كولىك تاسىمالى، ەنەرگەتيكا مەن عارىش سالالارىندا ىنتىماقتاستىقتى تالقىلاپ، بىرنەشە كەلىسىمدەرگە قول قويدى. ناتجەسىندە، قازاقستان اۋماعىندا كاماز اۆتوتەحنيكاسى مەن قوسالقى بولشەكتەرىنىڭ ءوندىرىسى قولعا الىناتىن بولدى. سونىمەن قاتار قازاقستاندىق «اگروماشحولدينگ» كومپانياسىنىڭ زاۋىتتارىندا «كيروۆەتس» تراكتورلارىن شىعارۋ بويىنشا جول كارتاسى ازىرلەندى.

د.مەدۆەدەۆ: «بۇگىندە قازاقستان الدىندا تۇرعان مىندەتتەردى جۇزەگە اسىرۋدا، ەۋرازيالىق ەكونوميكالىق وداق اياسىندا تۇرعان ماقساتتارىمىزعا جەتۋ جولىندا سىزگە تابىس تىلەيمىن. وسىعان دەيىن دە وداق شەڭبەرىندە ەكىجاقتى كەڭەسۋلەر بارىسىندا سىزبەن ۇنەمى بايلانىستا بولدىق. ەندى ودان دا ءجيى كەزدەسىپ تۇرامىز»، – دەپ مالىمدەدى.

ايتا كەتەيىك، 2018 جىلى قازاقستان مەن رەسەي اراسىنداعى ساۋدا كولەمى 4,5%-عا ءوسىپ، 18 ميلليارد دوللاردان استى. ال قازاقستاندىق ەكسپورتتىڭ مولشەرى  6%-عا ارتقان.

"The Qazaq Times"