Resmi Kiev pen Uaşington Mäskeudi qatañ sınğa aldı.

«Vladimir Putiniñ öz özin Donbas jäne Lugansk Halıqtıq Respublikası dep jariyalağan Ukraina oblıstarınıñ halqına Resey azamattığın aludı jeñildetu turalı şeşimi Minsk kelisimin jüzege asıruğa kedergi keltiredi» - delingen AQŞ Memlekettik departamenti jariyalağan mälimdemede.

Bwğan deyin resmi Kiev atalmış mäselege baylanıstı Birikken Wlttar Wyımınıñ Qauipsizdik Keñesine şağımdanğan. Ukraina prezidenti Petr Poroşenko: «Mäskeudiñ Resey azamattığın alu proceduraların jeñildetui Oñtüstik Osetiya men Pridnestroviya scenariyin qaytalau. Kreml' osı arqılı aymaqtağı äskeri is-äreketin aqtap almaq» - dep mälimdedi.

Öz kezeginde prezident saylauında jeñiske jetken Vladimir Zelenskiy komandası «Mäskeu Donbas twrğındarına Resey tölqwjattarın taratu arqılı öziniñ arandatuşı el ekendigin däleldedi» - degen mälimdeme tarattı.

Esteriñizge salayıq, säuir ayınıñ 24-i küni Kreml' saytında Resey prezidenti Vladimir Putinniñ: «Donbas jäne Lugansk aymaqtarındağı halıqtıñ azamattığı men bostandığın qorğau maqsatında Resey azamattığın alu jeñildetilsin» - degen jarlığı jariyalanğan.

"The Qazaq Times"