Foto: Google

Qazaqstan azamattarına bir jıl işinde 500 mlrd teñge köleminde şağın nesie berilgen. Bwl turalı Ranking.kz saytı habarladı.

Twtınuşılıq maqsatta berilgen şağın nesie soması 130 mlrd teñgeden asqan.2018 jılı Qazaqstannıñ şağın nesie beru wyımdarı halıqqa 500,7 mlrd teñgeniñ nesiesin bergen. 2017 jılmen salıstırğanda şağın nesie alatın jeke twlğalardıñ ülesi 32,9%-ğa artıp, 346,2 mlrd teñgege jetti. Al zañdı twlğalar sanı 24,7%-ğa kemip, 154,5 mlrd teñgeni qwrağan. 2018 jılı käsipkerlik maqsatta berilgen nesieler sanı jartı esege köbeyip, 62,3%-dı qwradı. Sonımen qatar, şağın nesie berumen aynalısatın wyımdar sanı da qısqarğan.

Nesie alğan Qazaqstan azamattarınıñ  arasında jıldar boyı qarızın qaytara almay jürgen twrğındar köp. Tipti, soñğı uaqıtta olardıñ qatarı tipten arta tüsken. 2017 jıldıñ özinde problemalı kreditteri eñ köp bank – Reseylik Sberbanktiñ Qazaqstandağı enşilesi (13,7%) jäne ATF Bank (11%) bolğan. Al Cesna bankte bolsa qarız portfeliniñ sapası basqalarğa qarağanda (4,8%) joğarı. Al orta jäne şağın bankterdiñ problemalı kreditteri iri bankterge qarağanda äldeqayda az.

"The Qazaq Times"