Toptıñ bir müşesi oqqa wşqan. foto: AFP/BBC.

Qılmıstıq top nebarı 3-4 minutta sonşalıq köp qarjını wrlap ketken. Seysenbi küni qarulı qılmıstıq top Albaniya äuejayına 11 mln AQŞ dolları tielgen wşaqtı tonağan. Policiyamen atıs kezinde qılmıstıq toptıñ basşısı oqqa wşqan.

Oqiğa seysenbi küni jergilikti uaqıt 15:00 şamasında bolğan. Bwl uaqıtta Avstriya bankiniñ dipozitterin tasımaldauşı wşaq Ablaniya äue jayınan Vena bağıtına wşuğa dayındalıp jatqan. «Kalaşnikov» avtomatımen qarulanğan top äuejaydıñ esigin jük köligimen bwzıp kiredi. Olar äuejay qızmetkerlerin qorqıtıp, wşaqtıñ jük saqtau bölmesin aştırğan. Qılmıstıq top 3 adamnan qwralğan, olar qısqa ğana 3-4 minut işinde wşaqtağı aqşanı kölikterine tiep qaşıp ketken. Jolda policeylermen atıs bolıp, top basşısı oqqa wşqan.  

Albaniyanıñ Wlttıq bankiniñ nesielerdi naqtı aqşamen qabıldamaytın erejesi bar. Sondıqtan da eldegi şeteldik bankter naqtı aqşanı wşaqqa tiep, elden şığarıp ketuge mäjbür. Venağa bağıt alğan wşaq Avstriya bankiniñ depozitterin alıp ketpek bolğan. Policiyanıñ mälimetine qarağanda qılmıstıq top wşaqqa tielgen aqşanıñ naqtı kölemin habarı bar.

Albaniyanıñ aqparat agenttikteri oqqa wşqan qılmıs kümändisin Admir Murataj dep atağan. Al, policiya qızmetkerleri qaşıp ketken eki küdiktiniñ de atı-jönin anıqtadı. Kuägerlerdiñ aytuınşa, küdiktiler policeylerden alıstağannan keyin jük kölikterin örtep, velosipedpen qaşıp ketedi.

Europanı dürliktirgen bwl oqiğadan keyin ğana Albaniyanıñ wlttıq banki Avstriyağa naqtı aqşa tasudı toqtatu şeşimin jariyalağan.

Bwl eldegi wyımdasqan qılmıstıq toptar bwğan deyin de Venağa bağıttalğan wşaqtarğa şabuıl jasağan. 2016 jılı äuejayda 1 mln evro wrlansa, 2017 jılı aqpanda qılmıskerler 3,6 mln dollardı wrlap ketken. Degenmen, policiya tarabı bwl aqşalardıñ az bölegin jertölede jasırılğan jerinen tauıp alğan. Bwl qılmıstardıñ köbi derlik äli tolıq aşılmağan.

“The Qazaq Times”