توپتىڭ ءبىر مۇشەسى وققا ۇشقان. فوتو: AFP/BBC.

قىلمىستىق توپ نەبارى 3-4 مينۋتتا سونشالىق كوپ قارجىنى ۇرلاپ كەتكەن. سەيسەنبى كۇنى قارۋلى قىلمىستىق توپ البانيا اۋەجايىنا 11 ملن اقش دوللارى تيەلگەن ۇشاقتى توناعان. پوليتسيامەن اتىس كەزىندە قىلمىستىق توپتىڭ باسشىسى وققا ۇشقان.

وقيعا سەيسەنبى كۇنى جەرگىلىكتى ۋاقىت 15:00 شاماسىندا بولعان. بۇل ۋاقىتتا اۆستريا بانكىنىڭ ديپوزيتتەرىن تاسىمالداۋشى ۇشاق ابلانيا اۋە جايىنان ۆەنا باعىتىنا ۇشۋعا دايىندالىپ جاتقان. «كالاشنيكوۆ» اۆتوماتىمەن قارۋلانعان توپ اۋەجايدىڭ ەسىگىن جۇك كولىگىمەن بۇزىپ كىرەدى. ولار اۋەجاي قىزمەتكەرلەرىن قورقىتىپ، ۇشاقتىڭ جۇك ساقتاۋ بولمەسىن اشتىرعان. قىلمىستىق توپ 3 ادامنان قۇرالعان، ولار قىسقا عانا 3-4 مينۋت ىشىندە ۇشاقتاعى اقشانى كولىكتەرىنە تيەپ قاشىپ كەتكەن. جولدا پوليتسەيلەرمەن اتىس بولىپ، توپ باسشىسى وققا ۇشقان.  

البانيانىڭ ۇلتتىق بانكىنىڭ نەسيەلەردى ناقتى اقشامەن قابىلدامايتىن ەرەجەسى بار. سوندىقتان دا ەلدەگى شەتەلدىك بانكتەر ناقتى اقشانى ۇشاققا تيەپ، ەلدەن شىعارىپ كەتۋگە ءماجبۇر. ۆەناعا باعىت العان ۇشاق اۆستريا بانكىنىڭ دەپوزيتتەرىن الىپ كەتپەك بولعان. پوليتسيانىڭ مالىمەتىنە قاراعاندا قىلمىستىق توپ ۇشاققا تيەلگەن اقشانىڭ ناقتى كولەمىن حابارى بار.

البانيانىڭ اقپارات اگەنتتىكتەرى وققا ۇشقان قىلمىس كۇماندىسىن ادمير مۋراتاج دەپ اتاعان. ال، پوليتسيا قىزمەتكەرلەرى قاشىپ كەتكەن ەكى كۇدىكتىنىڭ دە اتى-ءجونىن انىقتادى. كۋاگەرلەردىڭ ايتۋىنشا، كۇدىكتىلەر پوليتسەيلەردەن الىستاعاننان كەيىن جۇك كولىكتەرىن ورتەپ، ۆەلوسيپەدپەن قاشىپ كەتەدى.

ەۋروپانى دۇرلىكتىرگەن بۇل وقيعادان كەيىن عانا البانيانىڭ ۇلتتىق بانكى اۆسترياعا ناقتى اقشا تاسۋدى توقتاتۋ شەشىمىن جاريالاعان.

بۇل ەلدەگى ۇيىمداسقان قىلمىستىق توپتار بۇعان دەيىن دە ۆەناعا باعىتتالعان ۇشاقتارعا شابۋىل جاساعان. 2016 جىلى اۋەجايدا 1 ملن ەۆرو ۇرلانسا، 2017 جىلى اقپاندا قىلمىسكەرلەر 3,6 ملن دوللاردى ۇرلاپ كەتكەن. دەگەنمەن، پوليتسيا تارابى بۇل اقشالاردىڭ از بولەگىن جەرتولەدە جاسىرىلعان جەرىنەن تاۋىپ العان. بۇل قىلمىستاردىڭ كوبى دەرلىك ءالى تولىق اشىلماعان.

“The Qazaq Times”