Qazaqstan prezidenti Qasım-Jomart Toqaev Aqtaudağı saparında özin nasihattauğa qarsı ekendigin ayttı.  

Mañğıstau oblısınıñ qoğam ökilderimen kezdesu barısında ol: «Aqtauda meniñ suretim salınğan 14 bilbord ornatılğanın habarladı mağan. Mwnı müldem orınsız dep sanaymın, mağan onday nasihattıñ keregi joq. Onday äkimşilik pısıqaylıq ne kerek?» – dedi.

Onıñ aytuınşa, bilbordtardı «Elbası bastağan memleketimizdiñ naqtı jetistikterin körsetuge arnau kerek». Öz sözinde ol: «Bwl meniñ barlıq äkimdergen beretin nwsqauım», – dedi.

Ayta keteyik, memleket basşısı Qasım-Jomart Toqaev kezekten tıs prezident saylauı 9 mausımda ötetindigin mälimdegen bolatın. Täuelsiz Qazaqstan tarihında prezident saylauı bir-aq ret (2005 jılı) uaqıtında ötken. Qalğan uaqıttardıñ barlığında merziminen bwrın bolğan.

"The Qazaq Times"