توقاەۆ: «ماعان ناسيحاتتىڭ كەرەگى جوق»

قازاقستان پرەزيدەنتى قاسىم-جومارت توقاەۆ اقتاۋداعى ساپارىندا ءوزىن ناسيحاتتاۋعا قارسى ەكەندىگىن ايتتى.  

ماڭعىستاۋ وبلىسىنىڭ قوعام وكىلدەرىمەن كەزدەسۋ بارىسىندا ول: «اقتاۋدا مەنىڭ سۋرەتىم سالىنعان 14 بيلبورد ورناتىلعانىن حابارلادى ماعان. مۇنى مۇلدەم ورىنسىز دەپ سانايمىن، ماعان ونداي ناسيحاتتىڭ كەرەگى جوق. ونداي اكىمشىلىك پىسىقايلىق نە كەرەك؟» – دەدى.

ونىڭ ايتۋىنشا، بيلبوردتاردى «ەلباسى باستاعان مەملەكەتىمىزدىڭ ناقتى جەتىستىكتەرىن كورسەتۋگە ارناۋ كەرەك». ءوز سوزىندە ول: «بۇل مەنىڭ بارلىق اكىمدەرگەن بەرەتىن نۇسقاۋىم»، – دەدى.

ايتا كەتەيىك، مەملەكەت باسشىسى قاسىم-جومارت توقاەۆ كەزەكتەن تىس پرەزيدەنت سايلاۋى 9 ماۋسىمدا وتەتىندىگىن مالىمدەگەن بولاتىن. تاۋەلسىز قازاقستان تاريحىندا پرەزيدەنت سايلاۋى ءبىر-اق رەت (2005 جىلى) ۋاقىتىندا وتكەن. قالعان ۋاقىتتاردىڭ بارلىعىندا مەرزىمىنەن بۇرىن بولعان.

"The Qazaq Times"