Prezidenttikke ümitker Vladimir Zelenskiy Ukrainanıñ qazirgi basşısı Petr Poroşenkonıñ wsınısın qabıldamadı.

Säuir ayınıñ 8-i küni Vladimir Zelenskiy öziniñ Facebook paraqşasına video ündeu jariyaladı. Onda ol Petr Poroşenkomen bolatın teledebattıñ 19-şı säuir küni Kiev qalasındağı «Olimpiskiy» stadionında ötetindigin ayttı. Bwğan deyin Poroşenko Zelenskiyge teledebattı säuir ayınıñ 14-i küni ötkizudi wsınğan.

Bwdan bölek Zelenskiy öz jaqtastarınan Poroşenkoğa qoyatın swraqtardı dayındauğa kömek swradı.

«Ukraina halqınıñ soñğı 5 jılda Poroşenkoğa qoya almay ketken swraqtarı bar dep oylaymın. Men sizderdiñ attarıñızdan sol swraqtardı qoyuğa dayınmın. Sol sebepti sizderdi tolğandıratın swraqtardı (Facebook paraqşama-red) pikir retinde qaldırularıñızda swraymın» - dedi Zelenskiy.

Esteriñizge salayıq,  Ukrainada prezident saylauınıñ birinşi turı naurız ayınıñ 31-i küni ötken. Onda saylau qorıtındısı boyınşa, Vladimir Zelenskiy 30,22%, Petr Poroşenko 15,93% dauıs jinap, ekinşi turğa ötken. Saylaudıñ ekinşi turı säuir ayınıñ 21-i küni ötedi.

"The Qazaq Times"