Foto: Mastertours

«AQŞ Türkiyağa sankciya salmauı qajet» - dep mälimdedi Türkiya Sırtqı ister ministri Mevlyut Çavuşoğlı.

«AQŞ Türkiyağa Reseydiñ S-400 zımıran jüyesin satıp alğanı üşin sankciya salmauı tiis. Sebebi AQŞ bwl zañdı Ankara men Mäskeu kelisimge kelgennen keyin qabıldadı» - dedi Çavuşoğlı Uaşingtonda söylegen sözinde.

Bwğan deyin Türkiya S-400-di satıp aludan bas tartpaytındığın mälimdegen. Resmi Ankara taratqan aqparat boyınşa, S-400-diñ alğaşqı legi biılğı jıldıñ soñına deyin keledi.

Öz kezeginde AQŞ «Türkiya Reseyden S-400 zımıran qwrılğıların satıp alu arqılı NATO zañdarına qayşı äreketterge baruda» - degen uäj aytuda. Atap aytqanda, Uaşington «S-400-diñ NATO standarttarına säykes kelmeytindigin» alğa tartıp, aldağı uaqıtta öziniñ soñğı ülgidegi wşaqtarın Türkiyağa satpaytındığın jäne Ankarağa sankciya salatındığın mälimdedi.

"The Qazaq Times"