Foto: http://ibirzha.kz

Qazaqstan azamattarı jeke kuäliktegi jeke saqtandıru nömiriniñ dwrıs emestigin aytıp, birneşe märte şağımdanğan.

Atalğan mäseleni şeşu üşin QR Parlamenti Mäjilisiniñ deputattarı jeke saqtandıru nömirlerin tüzetu turalı zañğa qol qoydı. Kuälikterdiñ nelikten qate jazılğandığı jaylı deputat Şäkir Hahazov: «Zañ men normativtik aktilerde JSN-nı tüzetuge qatıstı eşqanday ereje joq. Osınday jağdaydıñ bolmauı Halıqqa qızmet körsetu ortalıqtarınıñ qızmetkerleri tarapınan ötiniş bergen kezde resmi türde bas tartuğa negiz boladı. JSN-nı ielenudegi qateliktiñ saldarınan adamdar jıldar boyı jasın, tipti jınısın däleldeuge tırısadı. Sol sebepti mäsele der kezinde qolğa alınuı tiis», – dedi.

BAQ-ta salıq qızmeti, bankter men özge de wyım, mekemeler tarapınan tölem qabıldaudan jäne keybir memlekettik qızmetterdi körsetuden bas tartıp otırğanı turalı aqparat taradı. Mwnıñ bastı sebebi aqparat qwraldarınıñ habarlauınşa, JSN-degi mälimetter adamnıñ tuğan künimen, nemese tuğan jılımen keybireuinde tipti jınısımen säykes kelmeydi. Jeke saqtandıru nömirlerinde ketken qatelik ärbir azamat üşin ülken qiındıqqa äkep soğadı. Mäselen, käsipker biznesi qwrdımğa ketui mümin. Sebebi käsip iesi memlekettik satıp aluğa qatısa almaydı. Bwdan bölek, osı uaqıtqa deyin salıqtı, zeynetaqı jarnaların jäne kommunaldıq tölemderdi uaqıtılı tölegen azamat öziniñ qaytıs bolğandığı jaylı aqparat alğan. Elektrondı ükimet jüyesinde er adam retinde tirkelgen äyelder de bar. Osı sındı bir ğana cifrdan ketken öreskel qateler örip jür.

Juırda osı mäselege qatıstı QR İİM-niñ Migraciyalıq qızmet komiteti bwqaralıq aqparat qwraldarında mekemeler men qızmet körsetu orındarınıñ jeke säykestendiru nömirindegi (JSN) qatelikke baylanıstı tölem qabıldaudan bas tartu mäselesine qatıstı jağdaydı tüsindirdi. İİM taratqan habarlamada: «Biz öz tarapımızdan mwnday äreketterdi zañsız der edik. JSN tuu turalı kuälik berilgen kezde avtomattı türde qalıptasadı (2009 jılğa deyin ol jeke qwjattı nemese jeke kuälikti dayındağan kezde qalıptasatın) jäne ol özgermeu, teñdessizdik pricipterine negizdeledi», – delingen. Endi bankter qoldanatın komp'yuterlik bağdarlamalarda JSN-di tekseru algoritmi qayta jasaladı jäne ol azamattardıñ jeke mälimetterimen baylanıstırılğan.

"The Qazaq Times"