Täjikstannıñ Berlindegi elşiligi Germaniyanıñ küş qwrılımdarınan toğız täjikstandıqtı qamauğa aluınıñ sebebin tüsindirudi talap etti. Bwl jöninde täjik diplomatı Sohibnazar Gayratşo mälimdedi.

29 naurızda Germaniya policiyası 11 adamdı wstağan. Onıñ 9-ı terakt jasamaq boldı degen küdikke ilingen dep habarlaydı Bild aqparat közi. 1 säuirde olardıñ bärin bosatqan. Biraq küdikti retinde tergeu jwmıstarı jalğasıp jatır.

«Germaniya biligi otandastarımızdıñ wstalğanı jöninde habardar etui kerek edi. Biz Dyussel'dorf biligine resmi swrau jiberdik», - dep mälimdedi Täjikstannıñ Germaniyadağı elşisi. Onıñ aytuınşa, täjik diplomattarı bwl aqparattardıñ bärin tek baspasöz arqılı bilip otırğan.

Täjik elşisi otandastarınıñ wstaluına Essendegi oqiğa sebep bolğan deydi. 19 jastağı täjikstandıq jürgizuşi jıldamdığın arttırıp, jayau jürginşiler jolağına şığıp ketken. Keyin arnayı operaciya jürgizilip, 11 täjik azamatı terrorizm küdigi boyınşa wstalğan.

Nemis aqparat qwraldarınıñ habarlauınşa, wstalğandar "Islam memleketi" terroristik wyımımen qatısı bar degen küdikke ilingen.

"The Qazaq Times"