Foto: http://ekaraganda.kz

Qazaqstanda dizel' otının altı ayğa deyin eksporttauğa tıyım salındı.

8 säuirden bastap Qazaqstannan dizel' otının eksporttauğa uaqıtşa toqtatılıp, onı avtokölikpen tasımaldauğa tıyım salınadı. Tıyım salu turalı bwyrıqqa eldiñ energetika ministri Qanat Bozımbaev, qarjı ministri Älihan Smailov, WQK törağası Kärim Mäsimov qol qoydı.

12 aqpanda Ükimet reseylik benzinniñ elimizge tasımaldanuına uaqıtşa şekteu qoyu turalı qwjattıñ qabıldanatındığın aytqan bolatın. osı jağdayğa baylanıstı Energetika ministriniñ orınbasarı Bolat Aqşolaqov otandıq mwnay öñdeytin zauıttardıñ barlığı jañğırtudan ötkendikten, işki narıqtı AI-92 markili janarmaymen tolıqtay qamtuğa qauqarlı degen. Odan bölek, vice-ministr biıldan bastap elimizde eksporttıq baqılau beketteri ornatılatının  ayttı. Osılayşa, Qazaqstan aumağınan janar-jağarmaydıñ sırtqa zañsız şığarıluına tosqauıl qoyu mäselesi qarastırılğan.

Qazirgi uaqıtta Qazaqstanda üş üşken mwnay öñdeu zauıtınıñ bar ekendigin tilge tiek etken Bolat Aqşolaqov: «Atalğan bwyrıq – dizel' otının bizdiñ şekaradan alıp şığaruğa tıyım saludı közdeydi. Qarjı ministrligi ökilderi biıldan bastap arnayı eksporttıq baqılau beketterin qoyudı pısıqtap jatır. Ol janar-jağarmay tasımaldaytın cisternalı kölikterdi tekseruge mümkindik beredi. Qazirgi uaqıtta şekarada twratın bizdiñ oficerlerdiñ onday tekseris jürgizuge qwqıqtarı joq», – dep mälimdegen.

 

"The Qazaq Times"