قازاقستاندا ديزەل ەكسپورتتاۋعا تىيىم سالىندى

قازاقستاندا ديزەل وتىنىن التى ايعا دەيىن ەكسپورتتاۋعا تىيىم سالىندى.

8 ساۋىردەن باستاپ قازاقستاننان ديزەل وتىنىن ەكسپورتتاۋعا ۋاقىتشا توقتاتىلىپ، ونى اۆتوكولىكپەن تاسىمالداۋعا تىيىم سالىنادى. تىيىم سالۋ تۋرالى بۇيرىققا ەلدىڭ ەنەرگەتيكا ءمينيسترى قانات بوزىمباەۆ، قارجى ءمينيسترى ءاليحان سمايلوۆ، ۇقك توراعاسى كارىم ءماسىموۆ قول قويدى.

12 اقپاندا ۇكىمەت رەسەيلىك بەنزيننىڭ ەلىمىزگە تاسىمالدانۋىنا ۋاقىتشا شەكتەۋ قويۋ تۋرالى قۇجاتتىڭ قابىلداناتىندىعىن ايتقان بولاتىن. وسى جاعدايعا بايلانىستى ەنەرگەتيكا ءمينيسترىنىڭ ورىنباسارى بولات اقشولاقوۆ وتاندىق مۇناي وڭدەيتىن زاۋىتتاردىڭ بارلىعى جاڭعىرتۋدان وتكەندىكتەن، ىشكى نارىقتى اي-92 ماركىلى جانارمايمەن تولىقتاي قامتۋعا قاۋقارلى دەگەن. ودان بولەك، ۆيتسە-مينيستر بيىلدان باستاپ ەلىمىزدە ەكسپورتتىق باقىلاۋ بەكەتتەرى ورناتىلاتىنىن  ايتتى. وسىلايشا، قازاقستان اۋماعىنان جانار-جاعارمايدىڭ سىرتقا زاڭسىز شىعارىلۋىنا توسقاۋىل قويۋ ماسەلەسى قاراستىرىلعان.

قازىرگى ۋاقىتتا قازاقستاندا ءۇش ۇشكەن مۇناي وڭدەۋ زاۋىتىنىڭ بار ەكەندىگىن تىلگە تيەك ەتكەن بولات اقشولاقوۆ: «اتالعان بۇيرىق – ديزەل وتىنىن ءبىزدىڭ شەكارادان الىپ شىعارۋعا تىيىم سالۋدى كوزدەيدى. قارجى مينيسترلىگى وكىلدەرى بيىلدان باستاپ ارنايى ەكسپورتتىق باقىلاۋ بەكەتتەرىن قويۋدى پىسىقتاپ جاتىر. ول جانار-جاعارماي تاسىمالدايتىن تسيستەرنالى كولىكتەردى تەكسەرۋگە مۇمكىندىك بەرەدى. قازىرگى ۋاقىتتا شەكارادا تۇراتىن ءبىزدىڭ وفيتسەرلەردىڭ ونداي تەكسەرىس جۇرگىزۋگە قۇقىقتارى جوق»، – دەپ مالىمدەگەن.

"The Qazaq Times"