"Elamanatı" birlestigi baspasöz jiının ötkizdi.

Keşe Almatıda «Elamanatı» qoğamdıq birlestigi Qıtaydağı qazaq mäselesin taqırıp etken baspasöz jiının ötkizdi. Jiında Qıtaydağı qazaqtardıñ bügingi jağdayı turalı talqılanıp, birqatar wsınıstar ortağa salındı.

Jiındı atalğan birlestik törağası Rısbek Toqtasın bastap jürgizip, Qıtayda jasap jatqan qazaqtardıñ bügingi bastı problemaların atap körsetti. Ol sözinde Qıtaydağı qazaqtardıñ salt-dästürlerin wstanu men dini nanım-senim qwqıqtarı taptalıp, qazaq tilindegi mektepterdiñ jabılıp jatqanın ayta kelip: «Büginde qıtaydağı 2 millionğa juıq qandasımız wlt retinde joyılıp ketudiñ aldında twr», – dedi. Rısbek Toqtasın mırza birlestik atınan prezident Qasım-Jomart Toqaevtan Qıtaydağı qazaq tağdırına bey-jay qaramay, diplomatiyalıq arnalardı paydalana otırıp, wlttıñ tağdırına sayatın mäseleni oñdı şeşuin ötiniş etti.

Jinalısqa qatısqan qoğam qayratkeri Rısbek Särsenbay Qıtaydıñ Qazaqstandağı ekonomikalıq, strategiyalıq müddeleriniñ bar ekenin alğa tarta otırıp, aytalıq mwnay-gazındağı Qıtay ülesi men «Bir beldeu, bir jol» bağdarlamasındağı Qazaqstannıñ mañızdılığın alğa tarta otrıp, Qıtay biligine öz talaptarımız qoyuğa bolatının atap körsetti. Sonımen qatar, ekonomikalıq jäne sayasi qarım-qatınasta teñ qwqılı boludıñ osınday kezeñderde asa mañız ekenin ayttı. Al, Rejisser Erkin Raqışev birneşe jıldan beri köterilip kele jatqan «Qıtay qazaqtarınıñ mäselesin şeşu üşin arnayı memlekettik komissiya qwru kerek» degen naqtı wsınısın ortağa saldı.

«Elamanatı» qoğamdıq birlestigi Qıtaydağı qazaqtardıñ jäne elge kelgen ağayınnıñ mäselelerimen belsendi äri twraqtı aralasıp keledi. Bıltırdan beri atalğan birlestik atalğan özekti taqırıptarmen köptegen kezdesulerdi, baspasöz mäslihatın wyımdastırıp keledi.

“The Qazaq Times”