Myuller Tramp pen Reseydiñ «jasırın» baylanısın däleldey almadı

2016 jılğı saylauda Tramp pen Resey arasında jasırın baylanıstıñ bolğandığı rastalğan joq.

AQŞ-tıñ bas prokurorı Uil'yam Barrdıñ aytuınşa, arnayı prokuror Robert Myullerdiñ tergeui Donal'd Tramp pen Reseydiñ arasında qarım-qatınas boldı degendi rastay almadı. Bas prokuror AQŞ Kongresine hat jazıp, 2016 jılı bolğan saylauda Tramp pen onıñ jaqtastarınıñ Reseymen qanday da bir baylanısı bolğanı jaylı kümänniñ derektermen däleldenbegenin alğa tartıp, saylau barısında ädiletsizdik orın alğan joq degen qorıtındığa keldi.

Robert Myuller 2017 jıldan bastap Donal'd Tramptıñ saylau ştabı men reseylik bilik arasındağı kelisimdi zertteumen aynalısıp keledi. Onıñ oyınşa, prezident saylauı ädiletsiz ötken. Al Tramp Myullerdiñ äreketin «şaytan aulau» dep atağan bolatın. Osığan deyin Tramp öziniñ Twitter paraqşasında «Myuller – janjal tuğızudı janı süyetin adam, al tergeu – negizsiz jäne tükke twrğısız. Osı tergeuge atsalısıp jatqandar bizdiñ wlttı wyatqa qaldıruşılar!» –dep jazdı. Bwğan deyin Aq üyde ötken baspasöz mäslihatında Tramp: «Tergeuge salınğan milliondağan, milliardtağan dollarlar kökke wştı. Men tergeuşilerdiñ şalıs basqanına senimdimin, sebebi olar şaytan aulağıştar» – dep sınğa alğan.

"The Qazaq Times"