ميۋللەر ترامپ پەن رەسەيدىڭ «جاسىرىن» بايلانىسىن دالەلدەي المادى

2016 جىلعى سايلاۋدا ترامپ پەن رەسەي اراسىندا جاسىرىن بايلانىستىڭ بولعاندىعى راستالعان جوق.

اقش-تىڭ باس پروكۋرورى ۋيليام بارردىڭ ايتۋىنشا، ارنايى پروكۋرور روبەرت ميۋللەردىڭ تەرگەۋى دونالد ترامپ پەن رەسەيدىڭ اراسىندا قارىم-قاتىناس بولدى دەگەندى راستاي المادى. باس پروكۋرور اقش كونگرەسىنە حات جازىپ، 2016 جىلى بولعان سايلاۋدا ترامپ پەن ونىڭ جاقتاستارىنىڭ رەسەيمەن قانداي دا ءبىر بايلانىسى بولعانى جايلى كۇماننىڭ دەرەكتەرمەن دالەلدەنبەگەنىن العا تارتىپ، سايلاۋ بارىسىندا ادىلەتسىزدىك ورىن العان جوق دەگەن قورىتىندىعا كەلدى.

روبەرت ميۋللەر 2017 جىلدان باستاپ دونالد ترامپتىڭ سايلاۋ شتابى مەن رەسەيلىك بيلىك اراسىنداعى كەلىسىمدى زەرتتەۋمەن اينالىسىپ كەلەدى. ونىڭ ويىنشا، پرەزيدەنت سايلاۋى ادىلەتسىز وتكەن. ال ترامپ ميۋللەردىڭ ارەكەتىن «شايتان اۋلاۋ» دەپ اتاعان بولاتىن. وسىعان دەيىن ترامپ ءوزىنىڭ Twitter پاراقشاسىندا «ميۋللەر – جانجال تۋعىزۋدى جانى سۇيەتىن ادام، ال تەرگەۋ – نەگىزسىز جانە تۇككە تۇرعىسىز. وسى تەرگەۋگە اتسالىسىپ جاتقاندار ءبىزدىڭ ۇلتتى ۇياتقا قالدىرۋشىلار!» –دەپ جازدى. بۇعان دەيىن اق ۇيدە وتكەن ءباسپاسوز ءماسليحاتىندا ترامپ: «تەرگەۋگە سالىنعان ميلليونداعان، ميللياردتاعان دوللارلار كوككە ۇشتى. مەن تەرگەۋشىلەردىڭ شالىس باسقانىنا سەنىمدىمىن، سەبەبى ولار شايتان اۋلاعىشتار» – دەپ سىنعا العان.

"The Qazaq Times"