فوتو: ازاتتىق راديوسى

ەنەرگەتيكا ءمينيسترى قانات بوزىمباەۆ «قالامقاس» كەنىشىندەگى ورتكە بايلانىستى مالىمدەمە جاسادى.

«مۇمكىن دۇرىس تسەمەنتتەلمەدى نەمەسە كاروتاج جۇمىستارى دۇرىس جۇرگىزىلمەدى. قازىر باستى ماسەلە ءورتتى توقتاتۋ. مەنىڭ ءبىرىنشى ورىنباسارىم (ماحامبەت دوسمۇحامبەتوۆ – رەد) قازىر سول جەردە جۇمىس ىستەۋدە. بۇگىن شتاب شەشۋشى ماسەلەلەردى سول جەردە قابىلدايتىن بولادى. ۆيدەودا گاز، گاز-سۋ قوسپاسى جانۋدا. زارداپ شەككەندەر جوق. ول جەردە بارلىعى تاجىريبەلى مۇنايشىلار عوي. ەلدى مەكەندەر الىستا ورنالاسقان. بۇدان تراگەديا جاساۋدىڭ قاجەتى جوق. انىقتايمىز، كىنالىلەر جاۋاپ بەرەدى، وتەماقى تولەنەدى» - دەدى بوزىمباەۆ جۋرناليستەر الدىندا سويلەگەن سوزىندە.

بۇعان دەيىن باق بەتتەرى مەن الەۋمەتتىك جەلىلەردە ماڭعىستاۋ وبلىسىنداعى «قازمۇنايگاز» كومپانياسىنا تيەسىلى «قالامقاس» كەنىشىنىڭ ورتەنىپ جاتقاندىعى جونىندە اقپاراتتار تاراعان. كەيىننەن №8237 ۇڭعىماسىنان ناۋرىزدىڭ 16-ىنان بەرى گاز-سۋ قوسپاسى اتقىلاپ جاتقاندىعى جانە ونىڭ ارتى ناۋرىزدىڭ 25-ءى كۇنى ورتكە ۇلاسقاندىعى بەلگىلى بولعان.

"The Qazaq Times"