Фото: https://pbs.twimg.com

Өзбекстан президенті Шавкат Мирзияев пен Қазақстанның жаңа президенті Қасым-Жомарт Тоқаев телефон арқылы сөйлесті.

Өзбекстан президентінің ресми сайтында айтылғандай, екі ел басшылары халықаралық мәселелер, Қазақстан мен Өзбекстан арасындағы дипломатиялық байланыс және Астана мен Ташкенттің алдағы қарым-қатынасын талқылаған. Сонымен қатар, Шавкат Мирзияев Тоқаевты жаңа лауазымымен құттықтап, «бұл қадам Қазақстан халқы мен тұңғыш президент Нұрсұлтан Назарбаевтың жаңа президентке сенім артатындығының дәлелі», – деген.

Айта кетейік, 19 наурызда жергілікті уақыт бойынша сағат 19:00-де Қазақстанның тұңғыш президенті Нұрсұлтан Назарбаев отставкаға кететіндігін жария етті. 20 наурызда ҚР Парламенті палаталарының бірлескен отырысында ҚР президенті лауазымына тағайындалған Қасым-Жомарт Тоқаев ант қабылдап, Астананың атауын «Нұрсұлтан» деп атауды ұсынған. Мұнымен қоса, Тоқаев республикадағы қалалардың орталық көшелерінің атауын да Нұрсұлтан Назарбаевтың атына беруді ұсынды.

"The Qazaq Times"