Foto: http://www.kp.kz

Qazaqstan älemdegi auası lastanğan jiırma eldiñ qatarında.

Şveycariyalıq «AirVisual» kompaniyası jürgizgen saraptama qorıtındısı boyınşa, Islandiya auası eñ taza elderdiñ köşin bastap twr (5 μg/m3). Taza auamen qatar ömir süruge qolaylı mekenderdiñ qatarında Finlyandiya, Australiya, Estoniya jäne Şveciya bar.

Zertteu kezinde sarapşılar älemniñ 73 elinde RM2.5 ziyandı bölşekterdiñ şoğırlanuın salıstırğan. Nätijesinde, Özbekstan 16-şı, Qazaqstan 29,8 µg/m³ körsetkişimen 20-şı orında. YAğni auası lastanğan jiırma eldiñ qatarında. Qalalar tizimi boyınşa Astana 26 µg/m³ körsetkişimen auası las qala retinde tirkelgen.

Auası eñ naşar el retinde Bangladeş (97,1 μg/m3) tirkelgen. Sonday-aq Päkistan, Ündistan, Auğanstan jäne Bahreynde aua sapasınıñ joğarı deñgeyde lastanğanı mälim boldı. Al Resey 58-şi, Ukraina 48-şı orında twr.

Ayta keteyik, Düniejüzilik densaulıq saqtau wyımımen wsınılğan qalıptı norma – 10 μg/m3.

"The Qazaq Times"