فوتو: http://www.kp.kz

قازاقستان الەمدەگى اۋاسى لاستانعان جيىرما ەلدىڭ قاتارىندا.

شۆەيتساريالىق «AirVisual» كومپانياسى جۇرگىزگەن ساراپتاما قورىتىندىسى بويىنشا، يسلانديا اۋاسى ەڭ تازا ەلدەردىڭ كوشىن باستاپ تۇر (5 μg/m3). تازا اۋامەن قاتار ءومىر سۇرۋگە قولايلى مەكەندەردىڭ قاتارىندا فينليانديا، اۋستراليا، ەستونيا جانە شۆەتسيا بار.

زەرتتەۋ كەزىندە ساراپشىلار الەمنىڭ 73 ەلىندە رم2.5 زياندى بولشەكتەردىڭ شوعىرلانۋىن سالىستىرعان. ناتيجەسىندە، وزبەكستان 16-شى، قازاقستان 29,8 µg/m³ كورسەتكىشىمەن 20-شى ورىندا. ياعني اۋاسى لاستانعان جيىرما ەلدىڭ قاتارىندا. قالالار ءتىزىمى بويىنشا استانا 26 µg/m³ كورسەتكىشىمەن اۋاسى لاس قالا رەتىندە تىركەلگەن.

اۋاسى ەڭ ناشار ەل رەتىندە بانگلادەش (97,1 μg/m3) تىركەلگەن. سونداي-اق پاكىستان، ءۇندىستان، اۋعانستان جانە باحرەيندە اۋا ساپاسىنىڭ جوعارى دەڭگەيدە لاستانعانى ءمالىم بولدى. ال رەسەي 58-ءشى، ۋكراينا 48-شى ورىندا تۇر.

ايتا كەتەيىك، دۇنيەجۇزىلىك دەنساۋلىق ساقتاۋ ۇيىمىمەن ۇسىنىلعان قالىپتى نورما – 10 μg/m3.

"The Qazaq Times"