SİM basşısı B. Atamqwlov Parlament Mäjilisinde mälimet berdi. Foto: Kazinform.

Bügin tüsten bwrın QR SİM basşısı B. Atamqwlov Parlament Mäjilisiniñ ükimet sağatında Qazaqstannıñ BWW Qauipsizdik keñesiniñ twraqtı emes müşesi retindegi 2 jıldıq qızmetinen qorıtındı bayandamasın jasadı.

Qazaqstannıñ BWW QK-degi twraqtı emes müşeligi 2017 jılı 1 qañtarda bastalıp, 2018 jıldıñ 31 jeltoqsanında ayaqtalğan bolatın.

Parlament Mäjilisinde esep bergen sırtqı ister ministri Beybit Atamqwlov sözinde: «Qazaqstan öz missiyasın abroymen orındadı dep nıq senimmen ayta alamın», – dedi. Ol jäne Qazaqstannıñ wstanımı halıqaralıq qauımdastıq jağınan joğarı bağalanğanın, sonday-aq, QR prezidenti jüktegen 7 türli basımdıqtı tolıq jüzege asırğandarın ayttı.

B. Atamqwlov qorıtındı bayandamasında Qazaqstannıñ BWW Qauipsizdik keñesinde atqarğan qızmetteri, jetken jetistikteriniñ bäri de N.Nazarbaevtıñ alğa qoyğan tapsırmalarımen tolıq säykes ekenin köbirek söz etken.

Ärine, elimiz BWW Qauipsizdik keñesine twraqtı emes müşesi bolıp twrğan kezeñinde QR SİM basşılıq qızmetin Q. Äbdirahmanov ötep twrğan bolatın. Qauipsizdik keñestiñ twraqtı emes müşeligi el retinde Qazaqstannıñ halıqaralıq bedeli men orını üşin aytarlıqtay mañızdı bolğan. Key täuelsiz sarapşılardıñ pikirine sensek, osı eki jıl işinde ükimetimiz bwl mümkindikti tolıq paydalana almadı. Aytalıq, Qıtaydağı qazaq mäselesi, Orta Aziya jäne Orta Şığıs qauipsizdigi mäselelerinde bwdanda eleuli jetistikterge jetuge mümkindikter bar edi dep qaraydı.

Degenmen, Qazaqstan Respublikası atalmış müşelikte «yadrolıq qarusız älem» bastamasımen köbirek este qalğanı anıq. Bwl jäne N. Nazarbaev kötergen «Uran banki» sındı jobalarğa da järdem bergeni anıq.

 

“The Qazaq Times”