Qazaqstan men Qırğızstan arasındağı sauda baylanısın arttıru turalı qwjat qabıldandı. Bwl jöninde QR Industriya jäne infraqrılımdıq damu ministri Beybit Atamqwlov mälimdedi.

Osı rette Parlament Mäjilisiniñ jalpı otırısında «2003 jılğı 25 jeltoqsandağı Qazaqstan Respublikasınıñ Ükimeti men Qırğız Respublikasınıñ Ükimeti arasındağı Memlekettik şekara arqılı ötkizu punktteri turalı kelisimge qol qoyıldı. B.Atamqwlov sözinde: «Arnayı hattamada Sarıtöbe jäne Auqattı avtomobil' ötkizu punktteriniñ märtebesin ekijaqtıdan «köpjaqtı halıqaralıqqa» auıstıru eskerilgen. Sonımen qatar, «Novovoskresenovka» ötkizu beketiniñ atauın «Sıpatay batır» dep özgertu közdelgen. Bwl şaralar öz kezeginde Qarasu jäne Qorday avtomobil' ötkizu beketterindegi kölik ağının jeñildetuge mümkindik bere otırıp, Qazaqstan jäne Qırğızstan arasındağı sauda-ekonomikalıq qatınastıñ odan äri damuın jaqsartadı. Sonday-aq Ortalıq Aziya memleketteriniñ tauar aynalımına oñ äserin beredi», – dep atap ötti.

Mälimetter boyınşa, qazirgi uaqıtta eki el arasında 11 avtomobil' ötkizu beketi bar: beseui – köpjaqtı halıqaralıq, al altauı – ekijaqtı. Ekijaqtı ötkizu beketteriniñ törteuinen ötetin adamdar men kölik qwraldarınıñ qarqını öte tömen bolğandıqtan, olar 2010 jılı jabılğan. Qazir jwmıs istep twrğan jeti ötkizu beketinen jılına 11 millionday adam jäne 466 mıñ kölik qwralı ötude. Sonday-aq 2018 jılı avtomobil' köligimen jük tasımaldau Qazaqstan men Qırğızstan arasında 43 payızğa artıp, 1,7 mln tonnağa jetken.

"The Qazaq Times"