Körneki suret. Foto: http://mfa.gov.kz

Qazaqstan Sırtqı ister ministri Beybit Atamqwlovtıñ AQŞ-qa saparı bastaldı. Resmi sapar AQŞ Memlekettik hatşısı Mayk Pompeonıñ jeke şaqıruı boyınşa Qwrama Ştattıñ Täuelsizdik küni jäne Qazaqstannıñ diplomatiyalıq qızmeti künimen twspa-tws kelip otır.

B.Atamqwlov AQŞ prezidenti äkimşiligi, Memlekettik departament basşılığı jäne sarapşılar toptarınıñ ökilderimen ekijaqtı kezdesuler ötkizbek. Sapar barısında Amerika men Qazaqstan arasındağı diplomatiyalıq, strategiyalıq qarım-qatınas talqılanadı.

Täuelsizdik jıldarı işinde Amerika kompaniyaları tarapınan Qazaqstanğa 50 milliard dollardan astam investiciya qwyılğan. 2018 jılı eki el arasındağı tauar aynalımı 2 milliard dollarğa jetti. 2017 jılmen salıstırğanda 2018 jılı olardıñ kölemi 44,7%-ğa ösip, 5,3 mlrd AQŞ dollarına jetken.

Ayta keteyik, bwl B.Atamqwlovtıñ QR sırtqı sayasi vedomstvosınıñ basşısı retinde jäne Qasım-Jomart Toqaevtıñ Qazaqstan prezidenti lauazımına saylanğannan bergi alğaşqı saparı. 2018 jılı bwrınğı prezident N.Nazarbaev Uaşingtonda Aq üy basşısı Donal'd Tramppen kezdesu ötkizip, strategiyalıq äriptestik mäselelerin talqılağan.

"The Qazaq Times"