Foto: https://www.inform.kz

AQŞ memlekettik hatşısı Mayk Pompeo men Qazaqstan sırtqı ister ministri Beybit Atamqwlov kezdesti.

Mälimetter boyınşa, AQŞ memlekettik hatşısı Qazaqstan halqınıñ negizgi qwqıqtarın qorğaudı küşeytu jöninde prezident Toqaevtıñ jaqında jasağan mälimdemesin qwptaytının aytqan. Pompeo sözinde AQŞ pen Qazaqstan arasında strategiyalıq seriktestikti nığaytuğa qoldau körsetip, jaña prezident Qasım-Jomart Toqaevpen ekijaqtı qatınastar äri qaray damitıtına senim bildirgen. Sonday-aq ol Auğanstanda beybitşilik ornatudağı Qazaqstannıñ qosıp jatqan ülesin de atap ötken. Söz soñında memlekettik hatşı Süriyadağı öz azamattarın Otanına qaytaru boyınşa Qazaqstan biligi atqarğan eñbegine bağa berip, özge eldermen bwl täjiribesimen bölisuge şaqırdı.

Bwl resmi sapar AQŞ-tıñ Täuelsizdik küni jäne Qazaqstannıñ diplomatiyalıq qızmeti künimen twspa-tws kelip otır. Sapar barısında B.Atamqwlovtıñ Pompeodan bölek, AQŞ prezidenti äkimşiligi, Memlekettik departament basşılığı jäne sarapşılar toptarınıñ ökilderimen ekijaqtı kezdesui josparlanğan.

Ayta keteyik, bwl B.Atamqwlovtıñ QR sırtqı sayasi vedomstvosınıñ basşısı retinde jäne Qasım-Jomart Toqaevtıñ Qazaqstan prezidenti lauazımına saylanğannan bergi alğaşqı saparı. 2018 jılı bwrınğı prezident N.Nazarbaev Uaşingtonda Aq üy basşısı Donal'd Tramppen kezdesu ötkizip, strategiyalıq äriptestik mäselelerin talqılağan.

"The Qazaq Times"