Foto: Muftyat.kz

«Äziret Swltan» meşitiniñ besjıldıq mereytoyına oray erteñ "Alatau" sport keşeni sporttıq oyındar sayısı ötedi. Meşit wstazdarınıñ şäkirtterinen jasaqtalğan 24 komanda voleybol jäne futbol oyındarı boyınşa baq sınasatın boladı.

Aytulı dodağa Olimpiada çempionı Serik Säpiev, QMDB-nıñ törağa orınbasarı, «Äziret Swltan» meşitiniñ bas imamı Serikbay Oraz, QR Din isteri basqarmasınıñ basşısı Daniyar Esin qatısatın boladı.

Sporttıq oyındar qos zalda qatar jürgiziletin boladı. Şaranıñ bastaluı uaqıtı  09.00-de. Şamamen 13.00-ge qaray sayıs tolığımen qorıtındılanıp, marapattau räsimi ötkiziledi. Jeñimpazdarğa qomaqtı jülde qorı qarastırılğan.

Asıl dinimiz kündelikti qwlşılıq-ğibadatpen qatar, salauattı ömir saltın wstanıp, jan-düniemizben birge tänimizdi de sauıqtırıp twruğa ündeydi. Meşit şäkirtteri arasındağı sport sayıstarınıñ jii wyımdastırıluı – salauattı qoğam qalıptastıruğa jasalğan qadam ekeni sözsiz.

"The Qazaq Times"