Çempion Serik Säpiev şeneunik qızmetin jalğastırar ya jalğastırması äli belgisiz. Foto: olympic.kz

Belgili sportşı-şeneunik Serik Säpiev Mädeniet jäne sport ministrliginiñ qaramağındağı sport jäne dene şınıqtıru isteri komitetiniñ törağası qızmetinen ketti.

Aqparattı ministrliktiñ baspasöz qızmeti rastadı. Vedomstvo onıñ «öz erkimen bosatılğanın» habarlağan.

Alğaşında çempion boksşı retinde tanılğan Säpiev mäjilis deputatı bolıp körgen, keyinnen vedomstvo komitetin basqarğan. Soñğı lauazımına 2019 jılğı qañtar ayında tağayındalğan. Sonımen qosa, bwğan deyin «Astana Arlans» PSK JŞS bas direktorı, 2013-2014 jıldarı Qazaqstan boks federaciyasınıñ sport direktorı bolıp jwmıs istegen.

Serik Säpiev – bokstan 2012 jılğı Olimpiada çempionı, eki dürkin älem çempionı (2005, 2007 jıldarı), QR eñbek siñirgen sport şeberi. Biılğı Tokio olimpiadasında qazaq boksınıñ ädetinen jañılıp, jeñiliske wşırauınan keyin wlttıq qwrama jattıqtıruşısı qatarında qoğam sınına ilikken.

The Qazaq Times