foto: borbor.kg

Qırğızstanda «48 sağatqa ğayıp bol» attı ğalamtor oyını keñinen beleñ aluda. Kämelettik jasqa tolmağan jasöspirimder ata-anasınıñ rwqsatınsız üyinen qaşıp, eki täulik eşqanday baylanıssız tığılıp otıratınğa wqsaydı.

Qırğızstan İşki ister ministrliginiñ baspasöz qızmeti habarlağanday, 2019 jıldıñ basınan beri kämelettik jasqa tolmağan 99 azamatqa izdeu jariyalanğan. Osı uaqıtqa deyin olardıñ 91- tabılıp, qalğan 8 bala turalı aqparat äli künge deyin şıqpağan. Alayda, Qırğızstannıñ qwzırlı orındarı jastardıñ joğaluına ğalamtorlıq oyınnıñ eşqanday qatısı joq ekendigin aytuda.

Biraq, Qırğız mektepterindegi ata-analar men balalarğa jürgizilgen psihologiyalıq keñesterdiñ köptep ötuine män bersek, onda jağdaydıñ şınımen de qiındap bara jatqandığın añğaruğa boladı.

Esteriñizge sala keteyik, osıdan biraz jıl bwrın «Kök kit» attı oyın TMD köleminde keñinen taralğan. Oyınğa kirgen oquşılardıñ köbi özderine qol jwmsap, türli tapsırmalardı bwljıtpay orındağan. Kämelettik jasqa tolmağan balalarğa azaptı tapsırmalar bergen oyınnıñ avtorı Reseyden wstalğan bolatın.

Al, «48 sağatqa ğayıp bol» oyını kimniñ, ne üşin şığarğandığı äzirge belgisiz. Biraq, Qırğızstannıñ qwzırlı orındarı mwnıñ arı qaray örşip ketpeuine tosqauıl qoyamız dep otır.

"The Qazaq Tımes"